Алгачкы кадамдар

10–15 мүнөттө уюмду, биринчи юридикалык жакты жана эсепти ачасыз — андан кийин көчүрмөнү жүктөй аласыз. Баарын дароо жасоо милдеттүү эмес: каалаган кадамды өткөрүп жиберип, кийин жөндөөлөрдөн кайра кайрылсаңыз болот.

Каттоо

1. 1Сайтты ачып, Кирүү баскычын, андан кийин Уюм түзүү баскычын басыңыз.
2. 2Эсептик жазуу блогун толтуруңуз: атыңыз, почтаңыз жана кеминде 10 белгиден турган сырсөз.
3. 3Уюм блогунда бизнестин аталышын, өлкөнү жана Отчеттуулуктун негизги валютасын көрсөтүңүз — бардык отчеттор жана калдыктар ошол валютада эсептелет. Кыргызстан үчүн бул сом.
4. 4Төмөнкү документтердин шарттарын кабыл алам белгисин коюп, Уюм түзүү баскычын басыңыз.

5. 5Aynes'тен келген катты ачып, шилтемеге өтүңүз — ошентип почтаңызды ырастайсыз. Шилтеме бир сутка жарактуу. Ырастоого чейин деле кирсеңиз болот, бирок андан мурун кызматкерлерди чакырууга болбойт.

Кат келбесе, «Спам» папкасын текшериңиз. Такыр келбесе — колдоо кызматына жазыңыз.

Биринчи кирүүдөгү жардамчы

Биринчи жолу киргенде Үч кадамда жөндөйбүз жардамчысы ачылат.

6. 6Компания эмне менен алектенет? — тармакты тандаңыз. Ага ылайык кирешелер менен чыгашалардын даяр беренелер тизмеси ачылат. Айрым тармактарда тандоо үчүн блоктор бар (мисалы, конок үйлөрүндө тамак-аш же трансфер) — өзүңүздө барын белгилеп, беренелердин саны жазылган Ачуу … баскычын басыңыз.

7. 7Юридикалык жак — аталышы, ИНН (кийин да болот) жана Багыттын аталышы. Багыт — бизнесиңизди кантип бөлөсүз: түйүн, бөлүм, объект. Баштоо үчүн бирөө жетиштүү.

8. 8Эсеп же касса — аталышы, түрү (банк эсеби же касса), номери, валютасы жана калдыгы. Калдыкты жазбасаңыз да болот: аны биринчи көчүрмө өзү коёт. Даяр, андан кийин Серепке баскычын басыңыз.

«Эмнеден баштоо керек» тизмеси

Серепте Эмнеден баштоо керек блогу пайда болот: банкты туташтыруу же көчүрмө жүктөө, операцияларды беренелер боюнча бөлүштүрүү, бухгалтерди чакыруу жана биринчи отчетту көрүү. Ар бир сап кадам жасала турган жерге түз алып барат. Керексиз кадам Керек эмес баскычы менен, бүт блок Жашыруу баскычы менен алынат.

Сыноо уюму

Адегенде баары чыныгы маалыматтарда кандай көрүнөрүн көргүңүз келеби? Сыноо уюмун ачыңыз — бир жылдык ойдон чыгарылган тарыхы бар өзүнчө уюм.

9. 9Сол панелде уюмдун аталышынын астындагы бардык уюмдар шилтемесин басыңыз.
10. 10Демо-маалыматтар блогунда Демону ачуу, андан кийин Демого өтүү баскычын басыңыз. Баарын баса берсеңиз болот — чыныгы маалыматтарыңыз өзгөрбөйт. Сыноо уюмун ошол эле жерден Демону өчүрүү баскычы менен алып саласыз.